AMEA-nın Torpaqşünaslıq və Aqrokimya  İnstitutunda “Aqrokimya” və “Torpaqşünaslıq” ixtisasları üzrə II kursda təhsil alan magistrantların attestasiyası keçirilib. Attestasiya  torpaqşünas alim, a.e.d.Vilayət Həsənovun sədrliyi və İnstitutunun Təhsil şöbəsinin müdiri c.ü.f.d. dosent Fərrux Xəlilovun iştirakı ilə baş tutub. Attestasiya komissiyasının üzvləri b.e.d. professor S.Məmmədova, a.e.d M.Məmmədov, a.e.d N.Orucova, a.ü.f.d. S.Talıbova və b. İnstitutun II kurs 3-cü semestrində təhsil alan magistrantları Fəridə Süleymanova və Dəyanət Baxışovun dissertasiya işlərinin gedişatı ilə tanış olublar. Magistrantların attestasiyası zamanı qış imtahan sessiyasının nəticələri, fərd iş planlarında nəzərdə tutulan elmi-tədqiqat işlərinin yerinə yetirilmə vəziyyəti, elmi konfranslarda iştirak, dərc olunan məqalələrin sayı və s. məsələlər nəzərə alınıb. Attestasiya Komissiyasının qərarı ilə magistrantlar növbəti semestrə keçirilib.