Torpaqşünaslıq və Aqrokimya İnstitutunda Elmi Şuranın növbəti iclası keçirilib. Elmi Şuranın iclasını giriş sözü ilə Akademik Qərib Məmmədov açıb. İclasda Şuranın gündəliyində olan İnstitutun yeni strukturunun müzakirəsi aparılıb və yeni struktur Biologiya və Tibb Elmləri bölməsinə təqdim edilməsi üçün qəbul olunub. İclasda İnstitutun Elmi Şurasının yeni tərkibi də müzakirə edilib. Həmçinin Elmi Şuranın iclasında İnstitutun attestasiya və metod komissiyalarının tərkibi və Elmi Şuranın 2021-ci il I yarım illik iş planı təsdiq edilib.