Aqrar elmin navatoru, torpaqşünaslıq elminin bu günkü korifeylərindən, görkəmli elm xadimi akademik Qərib Məmmədovun doğum günüdür.Yanvarın 6-da torpaqşünaslıq, ekologiya, torpaqların aqroekologiyası və bonitirovkası sahəsində görkəmli alim, AMEA Torpaqşünaslıq və Aqrokimya İnstitutunun direktoru, akademik Qərib Məmmədovun doğum günüdür.Akademik Qərib Məmmədovun tədqiqatları təkcə torpaqşünaslıq və ekologiya üzrə deyil, torpaqların coğrafiyası, meliorasiyası, rekultivasiyası, mühafizəsi, aqroekologiyası, aqrokimyası, torpaq örtüyünün strukturu, torpaqların CİS əsasında tədqiqi və digər elm sahələrinin inkişafı ilə də bağlıdır. Azərbaycan torpaqlarının aqroekoloji problemlərinin görkəmli tədqiqatçısı akademik Qərib Məmmədov ömrünün 50 ilə yaxın bir dövrünü elmin inkişafına həsr etmiş, bu sahədə müstəqil dövlətimizin güclənməsi naminə şərəflə xidmət göstərmişdir. O, təbiətşünaslıq və ekologiya elminin Azərbaycanın tanınmış nümayəndəsi, bu sahədə əbədiyaşar alim, akademik Həsən Əliyevin layiqli davamçısıdır. Bilavasitə onun rəhbərliyi ilə Azərbaycanda torpaqların aqroekoloji qiymətləndirilməsi elmi məktəbi yaradılmışdır. Həmçinin görkəmli alim Ulu Öndər Heydər Əliyevin 1996-cı ildən başlamış Aqrar ( torpaq) islahatının həyata keçirilməsində əhəmiyyətli rol oynamışdır. AMEA Torpaqşünaslıq və Aqrokimya İnstitutunun bütün əməkdaşları akademik Qərib Məmmədovu ürəkdən təbrik edir, ona möhkəm can sağlığı və Azərbaycan elminin tərəqqisi yolunda yeni-yeni yaradıcılıq uğurları arzu edir!