Torpaqların meliorasiyası laboratoriyası 2020-ci ilin yekun hesabatını karantin qaydalarına uyğun olaraq “Zoom” proqramı vasitəsilə təqdim edib. Laboratoriya müdiri a.e.d. Mustafa Mustafayev hesabat ilində mövzu planı üzrə laboratoriyada yerinə yetirilmiş elmi tədqiqat işlərinin yekun elmi və təşkilati hesabatı ilə çıxış edib. Laboratoriya müdiri M.Mustafayev “Respublikada aqrosenozlarda deqradasiyaya uğramış torpaqların meliorasiyası, məhsuldarlığı artıran mütərəqqi texnologiyaların işlənib hazırlanmasi və onların səmərəliliyi ” mövzusuna 5 işin daxil olduğunu qeyd edib. Təqdim olunan yekun hesabat şura üzvləri tərəfindən geniş müzakirə olunaraq səsə qoyuldu və yekdiliklə qəbul edildi.