Noyabrın 29-u AMEA Torpaqşünalıq və Aqrokimya İnstitutun aparıcı elmi işçisi, a.e.ü.f.d. Azadə Zamanova, t.e.ü.f.d Əlibala Əlizadənin iştirakçısı olduqları “Azərbaycanın palçıq vulkanları yerləşən rayonlarında yüksək tutumlu ekoloji infrastrukturunun formalaşması” layihəsi Rusiya Təbiət Elmlər Akademiyası tərəfindən 3-cü dərəcəli laureat diplomuna layiq görülüb. Layihənin əsas məqsədi  Azərbaycanın palçıq vulkanlarının yerləşən Qaradağ rayonu Qobustan massivində onların fəaliyyəti nəticələrini tədqiq etmək eyni zamanda həmin ərazidə turizm üzrə infrastrukturun yaradılmasına dair torpaq və ekoloji tədqiqatların aparılmasıdır. Tədqiqatların əsas istiqamətləri palçıq vulkanları yayılmış torpaqların ekoloji vəziyyətinə təsirinin öyrənilməsi, davamlı yaşıl bitki örtüyününü yaradılması və ekoloji tarazlığa nail olmaqdan ibarətdir. Layihədə AMEA-nın Torpaqşünaslıq və Aqrokimya, Mikrobiologiya, Dendrologiya,  Geologiya və Geofizika İnstitutları iştirak edir.