AMEA-nın Yüksək Texnologiyalar Parkında (YT Park) Torpaqşünaslıq və Aqrokimya İnstitutunun Üzvi gübrələr laboratoriyasının aparıcı elmi işçisi, a.e.ü.f.d., dos. Səfaləddin İsmayılovun “Vermikultivirləşdirmə ətraf mühitin sağlamlaşdırılmasının açarıdır” mövzusunda məruzə ilə çıxış edib. O qeyd edib ki, vermikultivirləşdirmə bir sıra inkişaf etmiş ölkələrdə geniş istifadə olunan texnologiyalardan sayılır. Məruzədə məişət, sənayə, kənd təsərrüfatı üzvi tullantılarının (Eisenia foetida) yağış qurdları vasitəsilə emalı nəticəsində yüksək keyfiyyətli ekoloji cəhətdən təmiz üzvi gübrə – biohumusun alınması və gələcəkdə bu gübrənin torpağa və bitki altına tətbiq edilməsi, eyni zamanda ekoloji təmiz qida məhsullarının alınmasından bəhs edilib. Məruzəçi onu da qeyd etdi ki, vermikultura təsərrüfatı bu baxımdan yeni üzvi gübrə mənbəyidir. Biohumus neytral olduguna görə ( pH-7.0) onu hər tip torpaqlarda əksər bitkilər alıtna tətbiq etmək olar. Sonda məruzəçi YT Parkın Patent, sertifikatlaşdırma, marketinq və biznes inkubasiya şöbəsinin əməkdaşlarının suallarını cavablandırıb.