Bu gün AMEA Torpaqşünaslıq və Aqrokimya İnstitutunda Gənc Alimlər və Mütəxəssislər Şurasının növbəti iclası keçirilib. İclası giriş sözü ilə Gənc Alimlər və Mütəxəssislər Şurasının sədri Fərid Mustafayev açıb və gündəlikdə duran məsələləri diqqətə çatdırıb. “Doktorantların və gənc tədqiqatçıların XXII respublika elmi konfrans”nın keçirilməsi haqqında məlumat iclas iştirakçılarına təqdim edilib. Qeyd edildi ki, konfransda hüquqi-təşkilati formasından asılı olmayaraq respublikada fəaliyyət göstərən ali təhsil müəssisələrində fəlsəfə doktorları proqramı üzrə təhsil alan doktorantlar və tədqiqatçılar , o cümlədən əcnəbi doktorant və dissertantlat iştirak edə bilər. Daha sonra Şura sədri AMEA Fizika İnstitutun Həmkarlar İttifaqı Komitəsinin təşəbbüsü və AMEA Azad Həmkarlar İttifaqının təşkilatçılığı ilə oktyabr ayında keçirilməsi nəzərdə tutulan II Spartakiada haqqında məlumat verib və əlavə edib ki, yarışlar idmanın 4 növü-futbol, stolüstü tennis, şahmat və dama keçiriləcək.