Türkiyənin Ankara şəhərində yerləşən “Atomika Texnik” şirkətinin nümayəndələri AMEA Torpaqşünaslıq və Aqrokimya institutunun qonağı olub. Şirkətin Baş direktoru  Sinan Sekülü və direktor müavini  Naci Saracoğlu AMEA TAİ-nin direktoru, professor Əlövsət Quliyev və elmi işlər üzrə direktor müavini, a.ü.f.d Qoşqar Məmmədovla görüşüblər. Görüşün məqsədi İnstitutun maddi-texniki bazası ilə tanışlıq, aparılan tədqiqat işləri barədə məlumat almaq, yeni analitik cihazların təqdimatı, torpağın qranulometrik tərkibini müəyyənləşdirən “Mastersizer-300” cihazının quraşdırılması və birgə elmi əlaqələrin yaradılmasıdır. Sonra qonaqlar İnstitutunun laboratoriyaları və burada çalışan alimlərin elmi fəaliyyəti ilə tanış olub və İnstitutla sıx və səmərəli fəaliyyət göstərmələri üçün birgə proqram və layihələrin hazırlanmasının əhəmiyyətini qeyd ediblər.